Real Madrid kërkon me ngulm super talentin hungarez

Reali i Madridit parashikohet të bëjë një revolucion të vërtetë në merkato verën e ardhshme, teksa do të tentojnë të afrojnë disa nga talentet më të mira të afirmuar në Europë. Në radarët e Realit ka përfunduar edhe ylli i kombëtares hungareze i cili luan për Salzburg, Dominik Szoboszlai.

20-vjeçari ndiqet me vëmendje edhe nga klube të tjera të mëdha si Liverpooli, Arsenali e Milani por që ai të zgjedhë Realin që në merkaton e janarit ka menduar trajneri Zinedine Zidane, i cili i ka thënë Szoboszlai të transferohet menjëherë te Reali.

Mbetet për t’u parë se cila do të jetë përgjigja e talentit hungarez pasi duhet patur parasysh që Salzburg është në bisedime të avancuara me Leipzig, për ta transferuar në Bundesligë.