Real Madrid zyrtarizon divorcin me kapitenin Sergio Ramos

Sergio Ramos i jep fund aventurës që zgjati plotë 16 vite me Real Madridin. Skuadra merengues ka zyrtarizuar lajmin, teksa mbrojtësi do të dalë nesër në orën 11:00 në një konferencë për shtyp.

Mbrojtësit veteran spanjoll i përfundoi kontrata me Los Blancos dhe gjatë këtyre muajve ishin bërë negociata të shumta për të rinovuar, por palët nuk arritën të gjejnë gjuhën e përbashkët dhe prej 1 korrikut Ramos është një futbollist i lirë.

I transferuar te Reali i Madridit në verën e 2005-ës, Sergio Ramos ka fituar gjithçka me Los Blancos gjatë këtyre 16 sezoneve, duke nisur nga 5 triumfe në La Liga, e për të vijuar me 4 në la Liga, 4 Botërore Klubesh, 3 Superkupa Europe, 2 Kupa Mbreti dhe 4 Superkupa Spanje. Gjatë 16 sezoneve Sergio Ramos ka zbritur në fushë plot 671 herë me fanellën e Realit të Madridit dhe ka shënuar 101 gola.