Reali bën gati sulmin për Mbappe në janar, por një “vesh” e ka dhe te … Haaland

Kylian Mbappe vijon të mbetet një telenovelë në merkato. Spanjollët shpresojnë që sulmuesi të rezistojë pa rinovuar kontratën deri më datë 31 dhjetor të këtij viti e më pas më datë një janar mund të nisin sulmin e plotë për të siguruar shërbimet e 25-vjeçarit.

Kontrata e Mbappe skadon në qershor të vitit 2024 dhe në këtë formë, prej një janarit, madrilenët lejohen të hapin negociatat me lojtarin në fjalë pa rrezikuar një ankesë të Paris Saint-Germain në organet e UEFA-s.

Plani i “Los Blancos” nga ana tjetër është i qartë, t’i prezantojnë Mbappe ofertën më datë një janar dhe t’i vendosin sulmuesit një limit dyjavor. Nëse Kampioni i Botës me Francën nuk e ndan mendjen brenda dy javësh, atëherë Reali mund të nisë sulmin për Haaland.