Reali fiton aktin e parë kundër Liverpoolit, City triumfon me vuajtje ndaj Dortmundit (VIDEO)

Real Madrid bën një hap të rëndësishëm drejt gjysmëfinales së Champions League, teksa ka fituar 3-1 sfidën e parë kundër Liverpoolit. Ishte një duel që ashtu siç pritej do të dhuronte shumë emocione. Vinicius Junior zhbllokoi rezultatin në minutën e 27-të me një kontroll të bukur, pas një asisti shumë të bukur të Toni Kroos. 9 minuta më pas skuadra madrilene do të dyfishonte shifrat me Asension që përfitoi nga një gabim i mbrojtjes së ekipit anglez.

Në fillimin e pjesës së dytë Liverpooli rihapi ndeshjen me Mohamed Salah që ishte në kohën dhe në vendin e duhur për të ndëshkuar madrilenët në zonë. Gjithsesi Reali do të thellonte sërish rezultatin në minutën e 65-të me Vinicius Junior që realizoi me një goditje të saktë brenda zonës.

Manchester City triumfoi 2-1 në duelin e parë kundër Dortmundit duke lënë gjithçka të hapur për duelin e kthimit. De Bruyne zhbllokoi shifrat në minutën e 19-të me një kundërsulm të shpejt. Verdhezinjtë befasuan 6 minuta nga fundi duke barazuar shifrat me Marco Reus. Në fundin e kohës së rregullt, talenti anglez, Foden riktheu ekipin e Guardiolës në avantazh. Sfida e kthimit do të luhen pas një jave. /R.Lika-Koha Jone/