Reali pendohet, kërkon rikthimin e mbrojtësit të Milanit

Theo Hernandez është një ndër pikat e forta të skuadrës së Milanit. Loja mjaft e mira në disa ndeshje ka bërë që Real Madridi të mendojë për rikthimin e tij në “Santiago Bernabeo”.

Klubi nga Milanello e bleu kartonin e francezit pikërisht nga madrilenët për shumën e 20 milionë euro në 2019-ën, por tani 23-vjeçari vlerësohet 50-60 milionë euro me një plusvalencë në favor të klubit italian.

Mbrojtësi këtë sezon në 23-paraqitje ka realizuar në total 5 gola dhe vështirë se “djalli” do të privohet nga shërbimet e tij pavarësisht ofertave që mund të vijnë në drejtim të tij.