Reali përmbys Sociedadin dhe mban ritmin e Barcelonës për titullin (VIDEO)
Sporti E Shtunë, 23 Nëntor 2019 22:59
Real Madrid i Zidane është rikthyer në ditët e tij më të mira. Skuadra madrilene fitoi me përmbysje 3-1 ndaj Real Sociedad. Ndeshja nuk nisi aspak mirë për “galaktikët” që u gjendën në disavantazh që në startin e ndeshjes.
Ëillian Jose realizoi shumë shpejt duke shtangur “Santiago Bernabeo”. Reagimi i skuadrës së Zidane ishte mjaft i mirë, duke shënuar golin e barazimit me Karim Benzema.
Në fillimin e së dytës, Federico Valverde kaloi në avantazh “Los Blancos”, ndërkohë që në fundin e ndeshjes Luka Modric vulosi fitoren e skuadrës së tij. Fitorja e mban Realin në vendin e dytë me 28 pikë, 1 më pak se Barcelona. /R.Lika-Koha Jone/
