Rebelimi i Ronaldos, ja ç’po ndodh me portugezin

Cristiano Ronaldo nuk po kalon një moment të mirë te skuadra e Juventusit, pasi në dy ndeshjet e fundit, ai është zëvendësuar nga trajneri Sarri, ç’ka ka sjellë edhe zemërimin e portugezit.

Në ndeshjen e fundit ndaj Milanit, pasi Sarri e largoi nga loja, Ronaldo iu drejtua menjëherë dhomave të zhveshjes, duke shprehur hapur inatin e tij.

Sulmuesi nuk është i lumtur dhe reagimet e tij pas zëvendësimeve janë komentuar shumë. Klubi i Juventusit pritet t’i tërheqë vëmendjen për sjelljen e tij.

Megjithatë, “Gazzetta dello Sport” raporton se portugezi është penduar dhe klubi nga ana tjetër është tërhequr dhe nuk do ta gjobisë atë. Kur të rikthehet nga grumbullimi me kombëtaren, pritet që Ronaldo të japë sqarime mbi situatën e krijuar.