Shqipëria fiton lojën me Rejën, por mundet nga Islanda (VIDEO)

Edy Reja e nis me humbje aventurën në krye të kombëtares sonë. Kuqezinjtë kanë pësuar një humbje minimale 1-0 në Reikjavik ndaj Islandës. Strategu i Shqipërisë surprizoi që në formacionin që hodhi në fushën e lojës, duke përdorur skemën me dy sulmues me Cikalleshin dhe Balajn në fazën e avancuar. Mbrojtja me tre u formua nga Dermaku, Smajli dhe Veseli.

Sfida nisi mjaft mirë për kuqezinjtë tanë që dhanë sinjalin e parë që në minutën e 4-t, me Elseid Hysajn, por tentativa e shkodranit me të majtën u ndal mjaft mirë nga portieri Halldorsson. Vendasit ndërkohë futen disi vonë në lojë, por arrijnë që të gjejnë menjëherë rrugën e rrjetës që në aksionin e parë. Në minutën e 22-të, Gudmundsson dhuron spektakël duke dribluar disa prej futbollistëve kuqezi dhe më pas lëshon një të majtë që nuk u ndal dot nga portieri Berisha. Kuqezinjtë kërkojnë të reagojnë menjëherë me Dermakun, por mbrojtësi nuk ka fat.

Pjesa e parë u mbyll me këtë rezultat, ndërkohë që në të dytën, edhe pse pritej një përgjigje nga kombëtarja jonë, munguan aksionet sulmuese. Të dyja skuadra shfaqën lodhjen e fundit të sezonit, ndërkohë që i vetmi që shfaq sinjale të rrezikshme ishte Ndoj me një goditje nga distanca, që përfundoi shumë jashtë kuadratit. Kjo është humbja e dytë në 3 ndeshje në Grupin H për kombëtaren tonë, që mbetet në vendin e katërt me vetëm 3 pikë. /R.Lika-Koha Jone/

ISLANDE-SHQIPERI 1-0

4’ Kombëtarja jonë e ka nisur në mënyrën më të mirë ndeshjen. Lenjani kroson në zonë për Hysajn, i cili provon me një kthesë të bukur me të majtën, por portieri i Islandës grushton mjaft mirë