Reja: Me Turqinë luajmë shanset e fundit, shkojmë vetëm për fitore (VIDEO)

Trajneri i kombëtares sonë Edy Reja, ka dalë në konferencë për shtyp në prag të ndeshjeve me Turqinë dhe Moldavinë. Strategu italian ka shpjeguar mungesat e Mavrajt, Sadikut dhe Xhakës në listën zyrtare për këtë grumbullim.

“Kam folur me Mavrajn! Ka për të bërë një operacion në krah. Më ka kërkuar pushim. Do ta rifitoj radhës tjetër. E di që do pyesni edhe për Sadikun. Ka kërkuar pushim për probleme familjare. Xhaka nuk është grumbulluar, kam folur i kemi sqaruar. Dua të njoh lojtarët e rinj si Selhai dhe Seferi. Nuk më pëlqen të grumbulloj 27 lojtarë. Me lojtarët me vlera nuk dua të krijoj situata të pakëndshme duke i dërguar në tribunë. Dua t’iu jap minuta lojtarëve që të tregojnë vlerat e tyre, duke provuar sa më shumë. Gjithashtu edhe Trashin, e kishim në grup, meriton konsideratë dhe minuta për të luajtur. Po luan rregullisht me klubin”.

Portierët – “Duke qenë se ekipi turk ka grumbulluar katër portiera dhe unë bëra të njëjtën gjë. Nuk ekziston asnjë problem me Berishën. Kemi portierë shumë të mirë që po e tregojnë veten në nivele të larta. Më mbetet detyra e vështirë për të zgjedhur titullarin. Nuk ka asnjë çështje Berisha dhe mua më intereson që mos të kemi asnjë problem brenda grupit. Selmani po luan në Turqi dhe më duket normale që ta kemi në konsideratë, sidomos për faktin që luajnë në Turqi.”

Forma e disa lojtarëve – “Është shumë e rëndësishme që lojtarët të luajnë dhe të kenë minuta. Duhet marrë në konsideratë qëndrimi i tyre. Dua të veçoj Dermakun, nuk po luan me Parmën, por ku grumbullohet me Kombëtaren, jep diçka më shumë. Kumbulla është vetëm 19-vjeç, shënoi gol dje dhe është një lojtar i rëndësishëm. Hysaj nuk po gjen më hapësira te Napoli. Nuk preferoi të shkonte në tribunë me Napolin, por preferoi të stërvitej. Këto sjellje më bën të zgjedh lojtarët që janë më kreativ dhe më të dobishëm për ne”.

Turqia – “Do të shkojmë në Turqi me besim. Dihen vlerat e lojtarëve të Turqisë, të cilët kanë cilësi të madhe dhe marrin pjesë në Kupat e Europës. Ne po krijojmë një grup të rëndësishëm që mund të marrim rezultate kudo. Shkojmë me bindjen që mund të bëjmë lojën tonë. Janë të fortë në kundërsulm. Nga ana taktike do bëjmë një ndeshje shumë të mirë, për të marrë një rezultat pozitiv. E dimë shumë mirë që kjo është mundësia e fundit për të shkuar në Europian. Ambienti është gati për të marrë një fitore ndaj Turqisë. Edhe barazimi nuk na intereson. I vetmi objektiv i joni është të bëjmë një ndeshje sa më pozitive për të marrë një rezultat pozitiv, që është fitorja”.

E ardhmja – “Detyra jonë është të punojmë mirë dhe me impenjim të lartë. Për vlerësimet do merremi në nëntor. Kemi krijuar një grup të mirë që gradualisht po integrohet me njëri-tjetrin. Më pëlqen një skuadër që luan futboll të mirë, jo vetëm të mbrohemi dhe të jemi cinikë. Dëshira ime është të vazhdoj me Kombëtaren”.

Reja: Me Turqinë luajmë shanset e fundit, shkojmë vetëm për fitore (VIDEO)

SHKARKO APP