Reja tregon situatën dramatike në Itali: Nuk ka më vend për të vdekurit!

Italia është duke kaluar një moment shumë të vështirë, teksa viktimat dhe të prekurit nga Covid-19 shtohen dita-ditës me ritme të frikshme. Të ndodhur në këtë situatë, edhe trajneri i kombëtare sonë, Edy Reja është në vetëizolim prej disa ditësh. Në një intervistë për “Radio Goal” ai shpjegoi situatën e vështirë në vendin fqinj.

“Situata në Bergamo është me të vërtetë shumë e trishtueshme. Unë jam në kontakt me miqtë e mi dhe ata më thonë gjëra tronditëse. Nuk ka vende për të pritur të vdekurit.

Nuk guxoj të mendoj se çfarë do të ndodhte nëse do të ndodhte e njëjta situatë në jug. I bëj thirrje të gjithëve që të qëndrojnë në shtëpi, në jug nuk ka shumë struktura të përshtatshme për ta përballuar këtë gjendje”, tha Reja.