Renditja e UEFA-s/ Bundesliga parakalon Seria A falë Leipzig dhe Frankfurtit

Skuadrat e Seria A nuk kanë bërë një prezantim të mirë në Europë këtë sezon, duke humbur pikë në renditjen e UEFA-s për klube. Prej kohësh skuadrat italiane nuk po shfaqen konkurruese në Europë, teksa këtë herë vendimtar është bërë kualifikimi i Leipzig ndaj Atalantës dhe ai i Eintrachtit të Frankfurtit ndaj Barcelonës, që ka shtuar ndjeshëm pikët për Bundesligën.

Renditja kryesohet nga Premier League e shkëputur ndjeshëm nga la Liga, që gjithashtu ka konsoliduar pozitat në vendin e dytë, ndërsa Seria A i ka dorëzuar vendin e tretë te Bundesliga, ndërkohë që peshja më e mirë mbyllet nga Ligue 1 e Francës.

Lajmi i mirë është që edhe në vendin e katërt, Italia ruan të njëjtin numër vendesh në kompeticionet Europiane, por nëse parakalohet edhe nga Franca, atëherë do të humbë një vend në zonën Champions.