Rikthehet La Liga, Sevilla fiton ndaj Betis dhe blindon vendin e tretë (VIDEO)

La Liga më në fund ka rifilluar pas tri muajsh ndalesë për shkak të pandemisë së Covid-19. Sigurisht spektakli nuk ka munguar që në ndeshjen e parë, edhe pse tashmë pa tifozë.

Sevilla fitoi 2-0 ndaj Real Betis, duke blinduar vendin e tretë në tabelën e renditjes. Pas një pjese të parë me raste shënimi dhe pa gola, fraksioni i dytë solli më shumë emocione.

Në minutën e 56-të, Ocampos ktheu në gol një penallti të fituar pas një faulli nga Bartra. 6 minuta më pas, Fernando dërgoi topin për herë të dytë në rrjetë.

Betis u mundua të reagonte, por nuk mundi që të shënonte qoftë një gol. Sevilla me këto 3 pikë ngjitet në vendin e tretë me 50 pikë, 4 m shumë se vendi i katërt që mbahet nga Sociedad. /R.Lika-Koha Jone/