Rikthehet magjia e Champions League, sonte luhet Barcelona-PSG

Mbrëmja e sotme na rikthen emocionet magjike që vetëm Champions League di t’i dhurojë në fazën me eliminim direkt. Faza e 1/8-ve rezervon një duel shumë të fortë mes Barcelonës dhe PSG-së. Akti i parë do të luhet sonte në mbrëmje në “Camp Nou”. Në fakt do të shihnim një duel edhe mes miqsh të mirë si Messi dhe Neymar, por braziliani është dëmtuar dhe nuk do të jetë i gatshëm.

Forma e të dyja skuadrave në fakt është e ngjashme, pasi të dyja kanë shfaqur shumë oshilacione në kampionat, por dhe në Champions. Ndaj dhe parashikimi duket i vështirë për t’u bërë. Barcelona do të kërkojë një rezultat sa më pozitiv, por dhe që të mos pësojë gol, diçka e vështirë që të ndodhë duke parë problemet në mbrojtje.

Formacionet e mundshme 

Interesant është edhe dueli tjetër mes Leipzig dhe Liverpool. Skuadra gjermane ka qenë surpriza e Championsit deri më tani me paraqitje shumë të mira. Në anën tjetër ekipi i Klopp ka shumë yje në fazën e avancuar, por me shumë probleme në fazën mbrojtëse. Mungesa e Van Dijk ka bërë që “Të Kuqtë” të pësojnë shumë humbje në kampionat. /R.Lika-Koha Jone/