Rikthehet sonte Champions League, ja duelet e mbrëmjes së sotme
Champions League rikthehet sonte në mbrëmje me duele shumë interesante. Spikat mbi të gjitha supersfida Atalanta-Real Madrid. Italianët po kalojnë një formë të shkëlqyer dhe pasi rrëmbyen kreun në Serie A, do të tentojnë për një rezultat pozitiv dhe përballë gjigandëve madrilen.
Nga ana tjetër te spanjollët situata nuk është aspak e njëjtë. Me vetëm 6 pikë pas 5 ndeshjeve, te Reali janë ”të dënuar” për të fituar. Një tjetër ndeshje e fortë pritet të jetë dhe ajo mes Bayer Leverkusenit dhe Interit.
Gjermanët kanë 5 ndeshje radhazi që fitojnë por përballë skuadrës së Inzaghit që dhe këtë edicion mbetet një pretendent për të fituar trofeun në fund, detyra do të jetë shumë e vështirë.
Liverpooli kërkon vazhdimësi dhe të marshojë i qetë në krye. Këtë herë the Reds përballen me Gironen. Në takimet e tjera, Bayern luan me Shaktar Donetsk, Club Brugge me Sporting ndërsa Leipzig me Aston Villa.
