Rinovimi i Ibrahimovic me Milanin varet nga … kualifikimi në Kupën e Botës

E ardhmja e Zlatan Ibrahimovic varet nga Suedia. Kombëtarja nordike do të sfidojë Çekinë në Solna. Nëse fiton, Suedia do të përballet më Poloninë në “finalen” e madhe për një biletë në Botërorin e Katarit.

Kualifikimi i Suedisë në Kupën e Botës do të sjellë edhe rinovimin e 40-vjeçarit me Milanin. GDS raporton se Ibrën e pret një kontratë me 2 milionë euro neto në sezon + bonuse të ndryshme, ndërkohë që për momentin ai fiton rreth 7 milionë euro në sezon.

Ibra shpreson të fitojë trofe me kuqezinjtë, teksa në të ardhmen nuk përjashtohet fakti që mund të nisë një aventurë si trajner ose drejtues te klubi.