Rinovimi i Strakoshës, ja kushti që i vë portieri shqiptar Lazios

Thomas Strakosha kërkon të rinovojë kontratën me skuadrën e Lazios. Portieri shqiptar, sipas asaj që raporton gazeta italiane “Il Messaggero”, synon që të vijojë bashkëpunimin me ekipin bardhekaltër.

“Gardiani” më i mirë i këtij sezoni në Seria A, me më pak gola të pësuar, synon që të rinovojë para Cataldit, Parolos, Lulic dhe Luis Albertos, teksa i ka kërkuar klubit 2 milionë euro në sezon.

Duke marrë në konsideratë ofertat nga Premier League, Strakosha kërkon që të vlerësohet më shumë për atë që ka dhënë në dy sezonet e fundit. Lazio duhet të nxitojë që t’i ofrojë sa më parë një kontratë, nëse nuk dëshiron që portieri shqiptar të tundohet nga një ofertë e majme në merkato.

Me vetëm 23 gola të pësuar në 26 ndeshje, Strakosha është një garanci më shumë për Lazion në ëndrrën për të arritur te titulli e për të sfiduar Juventusin. /R.Lika-Koha Jone/