Ronado dhe De Ligt stërviten veçmas, në dyshim për Milanin

Juventus ka nisur përgatitjet për duelin ndaj Milanit në kampionat, pasi siguroi kualifikimin për në turin tjetër në Champions League.

Cristiano Ronaldo dhe Mathijs De Ligt ditën e sotme janë stërvitur veçmas grupit, për shkak të problemeve muskulore, ndërsa burime pranë klubit bardhezi bëjnë me dije se prezenca e tyre ndaj Milanit është në dyshim.

Mbrojtësi holandez nuk mori pjesë as në transfertën ruse ndaj Lokomotivës së Moskës për shkak të dëmtimit, ndërsa Ronaldo luajti deri në minutat e fundit në kryeqytetin rus, për t’u zëvendësuar më pas. Stërvitja e ditës së nesërme do të jetë vendimtare për të kuptuar më mirë nëse të dielën do të zbresin në fushë ndaj kuqezinjve.