Ronaldo befason: Mund të tërhiqem edhe për 1 apo 2 vite!

Cristiano Ronaldo është 34 vjeç dhe sigurisht që të gjithë e pyesin për një tërheqje të mundshme. Forma e treguar në dy sezonet e fundit me Juventusit ka qenë mjaft e mirë, por deri kur do të luajë portugezi?

“E dua ende futbollin. Më pëlqen të argëtoj fansat dhe njerëzit që duan Cristiano Ronaldon. Në 5 vitet e fundit kam filluar të shoh veten jashtë futbollit, shpejt ose më vonë, kush e di se çfarë do të ndodhë pas një viti ose dy”, deklaroi CR7.

Cristiano është ende një nga lojtarët më të mirë në botë, teksa në karrierën e tij ka korrur suksese në të gjitha ekipet që ka luajtur si Sporting Lisbon, Manchester United, Real Madrid dhe tani Juventus.

”Më ka marrë shumë vite punë të lodhshme, dedikim dhe pasion për të arritur sukseset që kam në futboll. Jashtë futbollit nuk jam ende në atë nivel, sigurisht, por jam një djalë që nuk i pëlqen të jetë numri dy ose tre. Gjithmonë dua të jem numri një. Ajo që më motivon mua më shumë është presioni. Duhet të dish si ta përballosh dhe të kesh besim në vete”, deklaroi Ronaldo.