Ronaldo gati t’u kërkojë falje shokëve të ekipit te Juventusi

Çështja Cristiano Ronaldo në shtëpinë e Juventusit pritet të mbyllet shumë shpejt. Ylli portugez e ka kuptuar gabimin që bëri në momentin e zëvendësimit ndaj Milanit dhe kur të kthehet nga grumbullimi me kombëtaren portugeze pritet tu kërkojë falje shokëve të skuadrës te Juventusi në dhomat e zhveshjes.

Drejtuesit e klubit bardhezi do ta kalojnë këtë çështje pa asnjë gjobë dhe për këtë ka mjaftuar ai postim i Ronaldos në profilin e tij në Instagram në fund të sfidës.

Tifozët ndërkohë nuk e kanë pritur aspak mirë reagimin e portugezit pas zëvendësimit, por gjithsesi janë të gatshëm që ta harrojnë shumë shpejt këtë histori.