Ronaldo i dashuruar me Juventusin: Do pushtojmë Italinë, Europën dhe Botën!

Cristiano Ronaldo as që ka ndërmend që të largohet nga skuadra e Juventusit. Ylli portugez është i dashuruar me ngjyrat bardhezi dhe këtë gjë e ka demonstruar edhe me anë të një mesazhi shumë domethënës në rrjetet sociale. CR7 ka konfirmuar se do të vijoj që të shkruajë historinë me klubin italian.

“Teksa jam duke u përgatitur për sezonin tim të tretë si lojtar i Juventusit, shpirti im dhe ambicia ime janë më të larta se kurrë. Objektivat. Fitoret. Impenjimi. Përkushtimi. Profesionalizmi. Me gjithë forcën dhe me ndihmën e çmuar të shokëve të ekipit dhe të stafit bardhezi, po punojmë për të pushtuar Italinë, Europën dhe Botën. Duke thyer rekorde. Duke kaluar pengesat. Për të fituar tituj dhe për të arritur objektiva personal.

Për të bërë më mirë se më parë. Për të arritur më lart dhe për të pasur sukses në të gjitha sfidat me të cilat do të përballemi. Mbetet çdo vit një aventurë më e mirë se ajo e mëparshmja për të fituar për të gjithë fansat dhe mbështetësit tanë.

Për të qenë pjesë e këtij pasioni të jashtëzakonshëm dhe unik që është Juventusi, dhe të mbajmë besimin me historinë e tij, për ta mbajtur me lart emrin dhe historinë, që vlerat tona të jenë sa më lart të jetë e mundur. Ne jemi Juventusi! Jemi kampionët! Do të rikthehemi më fortë se kurrë! Ne kemi besim të ju! Të gjithë së bashku!”, ka shkruar portugezi. /R.Lika-Koha Jone/