Ronaldo: I zemëruar për humbjen ndaj Lyonit, por do ta përmbysim

I zemëruar, por besimplotë. Humbja e Lyonit në Ligën e Kampionëve nuk e ka dorëzuar Cristiano Ronaldon, teksa ylli portugez shikon përpara. Në një intervistë për “Sky Sport”, ai shprehu besimin për përmbysjen në duelin e kthimit.

“Mund të ndodhë sepse në atë kompeticion të gjitha ndeshjet janë të vështira, por me siguri nuk jemi të lumtur. Jemi të zemëruar, por është ndeshje e kthimit në shtëpi, ndaj dhe kemi besim se do ta përmbysim dhe do ta kalojmë turin”.

Para ndeshjes së Championsit, portugezi kërkon të përqendrohet te ndeshjet e radhës kundër Interit në kampionat dhe Milanit në Kupën e Italisë: “Prioriteti jonë është që të fitojmë ndeshjen e ardhshme, më pas të mendojmë për Championsin. Jemi të qetë, të përqendruar dhe gati për ndeshjen e radhës. Nuk kemi frikë nga askush”.

Ylli portugez ka shënuar në 11 ndeshje radhazi në kampionat, teksa synon që të thyejë rekordin që ka barazuar Batistutën dhe Quagliarella-n. /Rozalb Lika-Koha Jone/