Ronaldo “kërcënon” Porton: Vjet u eliminuam shpejt, duam finalen!

Një ditë përpara sfidës së parë me Porto-n, e vlefshme për 1/8 finale të Champions-it, Cristiano Ronaldo ka reaguar në rrjetet sociale. Ylli portugez është shprehur se eliminimi i shpejt në sezonin e kaluar duhet të shërbejë si mësim.

“Kjo është ajo për të cilën bëhet fjalë, për Champions League: raundet e ‘nokautit’. Është pothuajse sikur një kompeticion tjetër të fillojë nga kjo pikë dhe të gjithë duhet të japin më të mirën, sepse çdo detaj mund të bëjë diferencën. Në këto dy vitet e fundit shkuam në shtëpi (u eliminuam) më shpejt sesa deshëm, por vazhdojmë të synojmë çdo sezon. Edhe këtë vit nuk ka përjashtim.

Nesër kemi një ndeshje shumë të rëndësishme kundër një ekipi shumë të fortë. Shpresoj që të jetë vetëm nisja e ecjes së gjatë, që duam të bëjmë deri në finale. Respekt për kundërshtarin, ambicie për fitore dhe 100 % fokus në qëllimet tona. Përpara, djem! Fino Alla Fine!”, ka shkruajtur portugezi.