Ronaldo ndryshon “look”-un dhe stërvitet për të qenë gati ndaj Messit

Cristiano Ronaldo nuk ndalon së stërvituri as në karantinë. Ylli portugez i Juventusit mezi po pret rikthimin në fushë pas infektimit me koronavirus, teksa së fundmi ka ndryshuar edhe “look”.

Ai ka postuar një foto në rrjetet sociale ku shfaqet i lumtur duke kryer ushtrime në rezidencën e tij në Torno. Ushtrime në biçikletë që e mbajnë në formën e duhur, ndërkohë që kishte një mesazh edhe për ndjekësit e tij: Suksesi në jetë nuk matet me atë që merr, por me pengesat që kapërcen”.

Ronaldo është në pritje të përgjigjes nga testimi për Covid-19, për të qenë i gatshëm për duelin e mesjavës së ardhshme kundër Barcelonës në Chasmpions League. Protokolli i UEFA-s kërkon që një futbollist duhet të jetë negativ 1 javë përpara. /R.Lika-Koha Jone/