Ronaldo pranon propozimin e Chiellinit për reduktimin e pagave te Juventusi

Senatorët e Juventusit pranojnë uljen e rrogave gjatë periudhës që nuk do të ketë aktivitete futbollistike për shkak të koronavirusit.

Thirrjes së Chiellinit për të lehtësuar klubet nga kjo krizë ekonomike i janë përgjigjur pozitivisht Leonardo Bonucci, Gigi Buffon dhe Cristiano Ronaldo dhe kur ka pranuar një si CR7 që përfiton 31 milionë euro në sezon, arritja e marrëveshjes bëhet më e lehtë.

Por nëse në shtëpinë e Juventusit lojtarët më të rëndësishëm janë dakord me uljen e pagave mbetet për t’u parë se çfarë do të vendoset të hënën në takimin mes ligës së futbollit dhe presidentit të shoqatës së futbollistëve Damiano Tomassi.