Ronaldo shpallet lojtari më i mirë i muajit janar në Seria A

Cristiano Ronaldo është vlerësuar si futbollisti më i mirë i muajt janar. Klasifikimi final është dizenjuar sipas statistikave të zbuluara nga Stats Perform, në bashkëpunim me të dhënat e regjistruara nga Netco Sports.

“2020 e Cristiano Ronaldo ka nisur në mënyrën më të mirë, në katër ndeshje ka shënuar shtatë gola, mes të cilave një tregolësh e një dygolësh, duke dhënë asist e kontribuuar me përfaqësimet e tij për vendin e parë të Juventus.

Portugezi po kalon një moment të shkëlqyer forme, duke shënuar në tetë ndeshje radhazi. Jemi të lumtur që kemi mes nesh një nga futbollistët më të fortë të të gjitha kohërave, që në vitin e tij të parë në Serie A fitoi çmimin Mvp si lojtari më i mirë i turneut”, shkruhet në komentin për vlerësimin e dhënë për Ronaldon.