Sarri kërcënon Napolin: Nuk më intereson kush është përballë, dua fitoren!

Juventus-Napoli do të jetë akti i fundit i Kupës së Italisë për edicioninn 2019/2020. Maurizio Sarri doli sot në konferencën e zakonshme për shtyp, në prag të ndeshjes ndaj Napolit. Strategu i njohur deklaroi se acarohet shumë kur i thonë se nuk ka fituar ende asgjë në Itali.

“Kur më thonë që nuk ke fituar asgjë në Itali. Kam ngjitur 8 skuadra një kategori më lart, por e di që janë shumë pak për ata që flasin për tituj si Champions e kampionat. Nuk më intereson kundërshtari që kam përballë, por vetëm skuadra ime, pasi dua që ta fitojmë atë trofe nesër

Napoli mbrohet shumë mirë mbrapa dhe kërkon të dalë në kundërsulm. Kur rrinë mbrapa janë shumë solidë dhe më pas dalin shumë shpejt, pasi kanë lojtarë të përshtatshëm për kundërsulm.

Duhet të bëjmë shumë kujdes, pasi kështu na kanë mundur neve, Interin dhe Barcelonën. Në sulm do të luajnë Ronaldo, Dybala dhe Douglas Costa, pasi nuk kemi një sulmues me karakteristike për të luajtur në majë të repartit”, tha trajneri i bardhezinjve.