Senegal-Holandë hap Kupën e Botës, nuk do të jetë Katari vendas

Senegal-Holandë do të jetë dueli që do të hapë kampionatin botëror të futbollit 2022 dhe jo ndeshja Katar-Ekuador. Takimi hapës i Kupës së Botës do të zhvillohet në 21 nëntor në stadiumin “Al-Thumama” në orën 12:00.

Kalendari i ditës së parë të Botërorit do të vazhdojë me ndeshjen Angli-Iran në stadiumin “Khalifa International” në orën 15:00 dhe me sfidën Katar-Ekuador në stadiumin “Al-Khor” në orën 18:00.

Në mbrëmje, në orën 21:00 është programuar sfida mes SHBA dhe skuadrës që do të kualifikohet në Play Off-in mes Uellsit dhe fituesit të ndeshjes Skoci-Ukrainë.

Në ndeshjen inauguruese e Kupës së Botës jemi mësuar të shohim të parën në fushë ekipin organizator, por FIFA këtë herë ka vendosur të bëjë një ndryshim.