SERIA A/ Verona përmbys Bolognën, Fiorentina ngec ndaj Parmës

Hellas Verona ka marrë një fitore shumë të rëndësishme në javën e 28-të të Serie A, duke mposhtur me përmbysje 2-1 në transfertën ndaj Bolognës në stadiumin Stadio Renato Dall’Ara.

Skuadra vendase kaloi e para në avantazh në minutën e 49-të me golin e Roëe, pasi në pjesën e parë kishte krijuar disa raste të rrezikshme, veçanërisht me Santiago Castro.

Megjithatë, reagimi i Veronës ishte i menjëhershëm. Në minutën e 53-të, Frese barazoi rezultatin me një goditje të bukur me të majtën në ajër, ndërsa vetëm katër minuta më vonë Boëie përmbysi gjithçka duke shënuar për 2-1 pas asistit të Gift Orban, në përfundim të një kundërsulmi të shpejtë dhe të organizuar mirë. Në gjysmën e fundit të pjesës së dytë, Bologna u përpoq të rikthente baraspeshën, por pa arritur të gjejë golin e barazimit.

Ndërkohë, Fiorentina nuk shkoi më shumë se një barazim pa gola 0-0 në shtëpi ndaj Parmës në stadiumin Stadio Artemio Franchi.

Skuadra e drejtuar nga Paolo Vanoli, e cila vuante mungesën e sulmuesve Moise Kean dhe Manor Solomon, hasi vështirësi të mëdha në repartin ofensiv. Nga ana tjetër, Parma ishte pranë surprizës në një kundërsulm të rrezikshëm me Gabriel Strefezza. Ndeshja prodhoi pak raste për shënim dhe në fund të dy skuadrat ndanë nga një pikë.