Sfida e Vllaznisë ndaj Universitatea Craiovës, ja ku mund ta ndiqni ndeshjen

Vllaznia do të përballet sonte në mbrëmje në orën 21:00, në stadiumin “Loro Boriçi” në ndeshjen e parë të turit të dytë në Ligën e Konferencës ndaj rumunëve të Universitatea Craiovës.

Së fundmi klubi shkodran me anë të një njoftimi në profilin e saj të rrjetit social “Facebook” u ka bërë me dije tifozëve kuqeblu se këtë ndeshje mund ta ndjekin drejtpërdrejt në kanalin “RTSH 1”.

Deri në këtë moment asnjë kanal shqiptar nuk kishte të drejtën e transmetimit, teksa klubi shkodran ka shitur të drejtën TV te një prej platformave të njohura në Rumani.