“Shaqiri një nga lojtarët më të talentuar që kam luajtur, por e penalizoi disiplina”

Xherdan Shaqiri në karrierën e tij ka luajtur me disa skuadra, duke treguar se është një futbollist me klas, por që ka edhe ai të metat e tij. Një ndër skuadrat në të cilën ka lënë më shumë gjurmë dhe e para në Premier League është Stoke City. Në të ka luajtur së bashku me Peter Crouch. Sulmuesi anglez ka dhënë përshtypjet më pozitive për të në një dalje për mediat angleze.

“Xherdani është një nga futbollistët më të talentuar me të cilët kam luajtur, por kishte një problem, sepse talentin e shoqëronte me mungesë disipline. Njerëzit do të ankoheshin edhe pse Shaqiri kishte shënuar shumë gola dhe kishte dhe shumë asiste. Për të paktën 85 minuta çdo fundjavë ai ua bënte jetën të gjithëve pak më të vështirë. Transferimi te Liverpool ishte diçka e paimagjinueshme. Trajneri Klop është i ashpër dhe nuk toleron”, deklaroi Crouch.