SHBA përjashton mesfushorin e Juventusit për thyerje të rregullave

Weston McKennie po kalon një nga momentet më të vështira gjatë këtij sezoni. Pas paraqitjeve zhgënjyese me Juventusit, mesfushori ka thyer protokollin e COVID-19 dhe nuk ka qenë pjesë e kombëtares së tij në takimin që përfundoi në barazimin 1-1 ndaj Kanadasë, për kualifikueset e Kupës së Botës.

McKennie pritet të udhëtojë drejt Torinos për të qenë më pas i gatshëm për Alllegrin, edhe pse ky i fundit vështirë se do ta aktivizojë ndaj Napolit pas ndeshjes shumë të dobët kundër Empolit. Ndryshe nga sezoni i kaluar kur spikaste nën drejtimin e Pirlos, tashmë duket se ai është bërë problematik me sjelljen e tij.