Shënoi tripletën e parë në Seria A, Ronaldo: Shpresoj që Interi të humbasë ndaj Napolit!

Cristiano Ronaldo zhvilloi një ndeshje fantastike në fitoren 4-0 ndaj Cagliarit. Për portugezin ishte tripleta e parë në Seria A, por në intervistën e dhënë për “Sky Sport” pas ndeshjes, ai vë mbi gjithçka ekipin.

“Gjëja më e rëndësishme është skuadra, kemi luajtur shumë mirë. Sigurisht që është kënaqësi që të shënosh, por gjëja më e rëndësishme është fitorja dhe që të mbajmë nën presion Interin.

Puna e mirë e mbrojtjes? Jemi duke u përmirësuar ndeshjes as ndeshjes, jo vetëm në mbrojtje, por edhe në sulm dhe mesfushë. Duhet të përmirësohemi në çdo aspekt, jo vetëm në një.

Do ta shohësh Napoli-Inter? Nuk e di, por sigurisht që shpresoj që Interi të humbasë. Do të ishte gjëja më e mirë për ne. Jemi të qetë dhe mendojmë vetëm për punën tonë”, deklaroi Ronaldo. /Rozalb Lika-Koha Jone/