Sherri me Miralem Pjanic? Reagon Maurizio Sarri

Trajneri i Juventusit, Maurizio Sarri ka reaguar rreth thashethemeve të fundit në lidhje me incidentin në stërvitjen e sotme me mesfushorin Miralem Pjanic.

Mediat italiane raportuan se Sarri e përzuri nga stërvitja boshnjakun, por mesa duket nuk qenka e vërtetë.

I intervistuar nga Sky Sport, në prag të ndeshjes së kampionatit me Bolognan, trajneri i Juventusit mohoi kategorikisht këtë lajm.

Sarri u shpreh:

Kjo e grindjes sonë është një shaka e madhe. Pjanic është ndër tre lojtarët që unë kam përdorur më shumë, ai është një futbollist, të cilit i qëndroj shumë afër dhe kujt duhet t’i referohem, sepse ai ka një rol shumë të rëndësishëm në mesfushën tonë”.