Shifrat e frikshme/ Immobile ka shënuar më shumë se Ronaldo-Dybala-Higuain së bashku

Ciro Immobile nuk ka ndërmend që të ndalet as kur përballë në duelin e radhës është Juventusi. Sulmuesi i Lazios shënon prej 9 ndeshjesh radhazi dhe është golashënuesi më i mirë i bardhekaltërve.

Nëse marrim në konsideratë golat e shënuar këtë sezon, bomberi italian ka shënuar më shumë se 3 tenorët e Juventusit: Cristiano Ronaldo, Gonzalo Higuain dhe Paulo Dybala. Në total sulmuesit e bardhezinjve kanë shënuar deri më tani 14 gola së bashku, ndërkohë që Immobile ka shënuar 17 gola në 14 ndeshje.

Lazio mbështet e gjitha te vlerat e tij, ndërkohë që vetë sulmuesi dëshiron që të thyejë rekordin e Batistutës dhe të Quagliarella-s, të cilët kanë shënuar në 11 ndeshje radhazi. Ai duhet të firmosë edhe në dy ndeshjet e radhës ndaj Juventusit dhe Cagliarit, dy impenjime aspak të thjeshta. /R.Lika-Koha Jone/