“Shiriti i Ylberit” në Kupën e Botës, Anglia dhe Gjermania heqin dorë

Organizimi i Kupës së Botës nga Katari po shoqërohet me shumë polemika. Në vendit aziatik, janë të papranueshme shfaqjet e dashurisë në publik, aq më tepër nëse bëhet fjalë për persona të të njëjtit seks (homoseksuale).

Në shenjë proteste, tetë skuadra evropiane pjesëmarrëse në Kupën e Botës kishin vendosur të mbanin një byzylyk shumëngjyrësh në shenjë mbështetjeje dhe përkushtimi për të promovuar të drejtat e komunitetit LGBT dhe të gjithë njerëzve, pavarësisht nga orientimi i tyre seksual.

Në një deklaratë të përbashkët, Anglia, Uellsi, Belgjika, Danimarka, Gjermania, Holanda dhe Zvicra në fakt kanë njoftuar se nuk do ta mbajnë “Shiritin e Ylberit” gjatë Kupës së Botës.

Një vendim i marrë për shkak të qëndrimit të ashpër të FIFA-s, që kishte kërcënuar se do të ndëshkonte të gjithë ata që nuk do ta respektonin rregulloren.