Shkon në 3 numri i futbollistëve pozitiv me Covid-19 te Barcelona

Rritet numri i futbollistëve të infektuar me koronavirus te Barcelona. Jordi Alba ka rezultuar pozitiv në testin e kryer dhe ka nisur menjëherë karantinën.

Mbrojtësi i majtë ndodhet në gjendje të mirë shëndetësore, teksa bëhet futbollisti i tretë i ekipit katalanas që infektohet nga Covid-19.

Një ditë më parë dolën pozitivë Dani Alves dhe Clement Lenglet, dy mbrojtësit e tjerë të skuadrës së Xavit.

Të gjithë lojtarët iu nënshtruan tamponëve pas rikthimit nga pushimet e Krishtlindjes dhe rezultatet konfirmuan pozitivitetin e tre prej tyre.