Shoqata e LGBT denoncon Neymar për qëndrimin homofobik

Problemet për Neymar  nuk kanë të sosur në Brazil. Sulmuesi i PSG-së është denoncuar në vendlindje për qëndrimin e tij homofobik. Gjithçka ka ndodhur për shkak të një regjistrimi audio, që është shpërndarë në publik, në të cilin shfaqet O’Ney duke fyer Thiago Ramosin, partnerin 22-vjeçar të nënës së tij, Nadine Goncalves.

Denoncimin në drejtësinë braziliane e ka bërë shoqata LBGT, që lufton në Brazil kundër diskriminimit seksual.

“Neymar dhe miqtë e tij flasim për një sulm të mundshëm homoseksual. Bëhet fjalë për një krim që duhet hetuar”, pretendon shoqata LGBT për këtë rast. 27-vjeçari do të përballet me një tjetër rast gjyqi, por që mund t’ia hedhë vetëm me një gjobë.