Shorti i Conference League/ Dinamo kualifikohet direkt për në turin e dytë

Dinamo City ka marrë një lajm të mirë para nisjes së aventurës europiane. UEFA ka vendosur që skuadra kryeqytetase dhe Shamrock Rovers të kalojnë automatikisht në turin e dytë të UEFA Conference League, pa qenë nevoja të zhvillojnë ndeshjet e turit të parë.

Ky vendim vjen pas përjashtimit të Drogheda United nga kompeticioni, për shkak të shkeljes së rregullave të pronësisë. Konkretisht, disa nga aksionerët e klubit irlandez zotërojnë gjithashtu edhe pjesë të aksioneve të klubit danez Silkeborg, gjë që bie ndesh me rregullat e UEFA-s për konfliktin e interesit dhe pronësinë e shumëfishtë.

Ky zhvillim i papritur u ka hapur rrugën Dinamos dhe Shamrock Rovers, të cilat do të presin shortin për të mësuar kundërshtarët e tyre në turin e dytë të Conference League.