Shtutgart i shpëton rënies, Hamburg në “Play-off”

Sporti E Hënë, 19 Prill 2021 04:38

Hamburgu i shpëtoi rënies direkte në një kategori më poshtë, falë fitores me Shalke në ndeshjen e fundit të kampionatit gjerman. Por megjithatë skuadra e njohur gjermane do të luajë ndeshje “Play-Off” me vendin e tretë në Bundelisgën e dytë, që do të përcaktohet mes Karlsruhes e Kaiserslauten në ndeshjen e mbetur të kësaj kategorie. Shtutgarti, një tjetër emër i madh dhe që rrezikonte rënies ka shpëtuar falë fitores në ndeshjen e fundit me Paderborn, 2-1 në transfertë. Shtutgarti ia doli të përmbyste rezultatin me vendasit, që kaluan të parët në avantazh. Mesfushori i skuadrës sonë kombëtare, Alban Meha, nuk ishte pjesë e skuadrës së tij në këtë takim, ndërsa Paderborn rikthehet në një kategori më poshtë pas vetëm një sezoni. Skuadra e dytë që shoqëron Paderborn në Bundesligën e dytë është Frajburg, që humbi betejën e fundit me Hanoverin, 2-1, rival direkt për mbijetesë. Këlni i Mërgim Mavraj barazoi me Borusia Myshengladbah, 2-2, dhe nuk rrezikonte rënien ndërsa mbrojtësi kuqezi mbetet pjesë e elitës së futbollit gjerman edhe për sezonin tjetër. Më herët Bajern Mynih ishte shpallur kampion në Gjermanisë, ndërsa ishin përcaktuar edhe tre ekipet e tjera që do të luajnë sezonin tjetër në Champoions League.

Bundesliga