Shtyrja e Lojërave Olimpike, reagon Luiza Gega: Çfarë kuptimi do të kishin në këtë periudhë?
Pas vendimit të marrë nga CIO për shtyrjen e Lojërave Olimpike “Tokio 2020”, ka reaguar edhe kampionia e atletikës shqiptare, Luiza Gega. Ajo e konsideron si zgjedhjen e duhur këtë vendim dhe premton se do të punojë edhe më fort, për të qenë akoma më në formë vitin tjetër.
“Personalisht mendoj që është një vendim i drejtë, pasi fokusi kryesor në këto momente është shëndeti i njerëzve në botë. Çfarë kuptimi do të kishin Lojërat Olimpike në këtë periudhë, kur i gjithë njerëzimi po lufton për shëndetin e tij?
Gjithashtu sportistët në mbarë botën nuk kanë mundësi të stërviten, pasi duhet të qëndrojnë në shtëpi për të ruajtur shëndetin e tyre dhe të njerëzve që i rrethojnë. Sigurisht që asgjë nuk e ndryshon qëllimin tim, madje do ta shfrytëzoj si një vit për tu bërë akoma më e fortë dhe më e shpejtë.luiza-gega-840×440
Uroj që kjo situatë të normalizohet sa më shpejt dhe që të gjithë t’i kthehemi jetës normale, që na mungon kaq shumë”, shkruan Gega, e cila së bashku me peshëngritësin Briken Calja, janë të vetmit sportistë shqiptarë që janë kualifikuar për në olimpiadë.
