Skandal në Shkodër, një person me kapuç sulmon me thikë trajnerin e Vllaznisë

Një ngjarje e rëndë ka ndodhur sot në qytetin e Shkodrës. Një person i maskuar ka tentuar që të therë trajnerin e Vllaznisë Ernest Gjoka. Ngjarja ka ndodhur ne fushën sportive “Reshit Rusi” në Shkodër në fund të stërvitjes.

Një shtetas me kapuç në kokë i është afruar trajnerit dhe ka tentuar që ta sulmojë dyshohet se më thike.

Trajneri Gjoka e ka kuptuar se personi mund ta sulmonte dhe i është shmangur duke shpëtuar pa u dëmtuar. Policia është njoftuar menjëherë.

Tre shtetas në afërsi të stadiumit “Loro Boriçi” janë shoqëruar ne polici duke dyshuar se mund të kenë dijeni për ngjarjen.