Skena surreale në Turqi, Fenerbahce braktis finalen e Superkupës pas 3 minutash lojë (VIDEO)

Finalja e Superkupës së Turqisë dhuroi një shfaqje të shëmtuar. Fenerbahce vendosi të largohej nga fusha në minutën e 3-të, pasi Mauro Icardi kishte kaluar në avantazh Galatasarayn në minutën e parë.

Fenerbahce zgjodhi të luante me ekipin U-19, një vendim i marrë pas incidenteve në Trabzon dhe gjithashtu pas kërkesës për të zhvendosur ndeshjen, pasi jane ende në garë në Conference League.

Galatasaray fitoi Superkupën në një situatë jo të zakonshme, teksa festuan në fushë sikur gjithçka të kishte ndodhur rregullisht.