Skënderbeu gjen pasuesin e Dajës në krye të ekipit

Julian Ahmataj mund të quhet trajneri i ri i Skënderbeut. Presidenti Ardian Takaj ka arritur akordin me Ahmatajn për t’i besuar skuadrën në sezonin e ardhshëm në pritje të vendimit të Gjykatës Supreme Federale në Zvicër.

Ahmataj një teknik që në eksperiencën e tij ka dëshmuar se mund të marrë më të mirën edhe në kushte specifike, duke menaxhuar në mënyrën më të mirë situata nga më të vështirat, raporton Supersport.

Tekniku 41-vjeçar ka arritur akordin me presidentin Takaj dhe pritet të nisë punën në fillimin e javës së ardhshme, duke nisur nga ristrukturimi i një grupi që në përfundim të kampionatit pësoi shumë largime të rëndësishme ne emra si Dejvi Bregu, Bruno Dita, Enea Koliçi dhe i riu Elezi. Klubi mbetet në pritje të CAS, teksa synimi është për të ndërtuar një skuadër kompetitive që të konkurrojë denjësisht në kampionat.