Skënderbeu prezanton 6 afrime të reja në merkato

Skënderbeu ka prezantuar gjashtë afrimet e reja të merkatos së dimrit, duke përforcuar çdo repart, për fazën vendimtare të kampionatit.

Në sulm, korçarët kanë siguruar shërbimet e Aldi Gjumsit dhe Mario Beshirajt, ndërsa nga Norvegjia ka mbërritur sulmuesi Elias Aarfort, i vetmi i huaj në këtë listë.

Për portën, pas dëmtimit të Marko Alias, është zgjedhur Ilir Dobjani, i cili vjen me përvojën e kampionit nga Egnatia.

Mbrojtja është përforcuar me Klaidi Çelën, i cili rikthehet nga Amerika, si dhe me Klejdi Palokën, produktin e Vllaznisë që mbylli aventurën në Kosovë me Vushtrrinë.

Me këto lëvizje, Skënderbeu blindon skuadrën, për të synuar rikthimin në Superiore.