Skënderbeu shkarkon trajnerin Ahmataj pas humbjes me “poker” ndaj Kukësit

Sporti E Diel, 31 Janar 2021 14:48

Humbja 0-4 me Kukësin , i ka kushtuar vendin e punës Julian Ahamtajt. Klubi korçar nëpërmjet një njoftimi ka zyrtarizuar ndarjen me trajnerin elbasanas për shkak të rezultateve të dobëta.

Në 17 javët e para Skënderbeu ka marrë 2 fitore, 6 barazime dhe 9 humbje, duke u renditur në vendin e fundit me 12 pikë, aq sa Bylisi.

Njoftimi i Skënderbeut:

“Ju njoftojmë se pas një bisede mes palëve , Klubi i Futbollit “Skënderbeu” dhe Julian Ahmataj kanë mbyllur marrëveshjen e bashkëpunimit me mirëkuptim. Skënderbeu falënderon ish-trajnerin bardhekuq për përkushtimin dhe punën e mirë të zhvilluar gjatë kohës që ishte në drejtimin e ekipit. I urojmë Ahmataj shumë suksese dhe fat në të ardhmen. Me Respekt, KF Skënderbeu!”.