Skuadra në karantinë mundet 10-1, portieri shpallet lojtari i ndeshjes (VIDEO)

Emergjenca koronavirusit ka goditur kampionatin rus. Skuadra e Rostov ka qenë më e prekura nga virusi, me gjashtë lojtarë të infektuar dhe me pjesën tjetër të ekipit që ka përfunduar në karantinë të detyruar.

Kalendari i ka vënë përballë ekipit të Sochi-t, skuadër në kërkim të pikëve për mbijetesë. Pavarësisht situatës së dëshpëruar të Rostov-it, kundërshtarët nuk kanë pranuar ta shtynin ndeshjen.

Sfida është zhvilluar normalisht, por ekipi i Valerji Karpin ka qenë i detyruar të hedhë në fushë lojtarët e moshave. Pavarësisht avantazhit befasues me gol të 17-vjeçarit Romanov, ndeshja është mbyllur 10-1 për Sochi-n.

Portieri i Rostov, 17-vjeçari Denis Popov, u shpall lojtari i ndeshje pas 15 pritjeve të bëra, mes të cilave edhe një penallti.