Skuadra turke bën kurban një dash për t’i shpëtuar rënies nga kategoria

Skuadra e kategorisë së dytë turke, Kocaelispor është duke kaluar një periudhë të errët në kampionat teksa ka regjistruar një seri prej tetë ndeshjesh radhazi pa fitore.

Tashmë, ata rrezikojnë seriozisht rënien një kategori më poshtë, ndërsa drejtuesit e klubit kërkojnë ta shmangin me patjetër këtë mundësi. Në klubin turk kanë menduar edhe për të ndërmarrë një nismë për të lënë pas periudhën e vështirë.

Para një seance stërvitore ata kanë bërë kurban një dash me shpresën se tashmë rezultatet pozitive do të vijnë dhe ekipi do t’i shpëtojë rënies një kategori më poshtë.