Solskjaer thur elozhe për McTominay: Scotty ka qenë i jashtëzakonshëm, është kthyer…

Ole Gunnar Solskjaer ka thurur elozhe për talentin e Manchester United, Scott McTominay.

Mesfushori është shpallur lojtari i muajit tek “Djajtë” dhe trajneri është i lumtur për futbollistin, teksa ai vazhdon t’i marrë përgjegjësitë e tij.

Solskjaer tashmë pajtohet me faktin se McTominay është kthyer në një lider të skuadrës së tij.

“ Scotty dhe Fred po punojnë mirë në partneritet, po bëjnë mirë së bashku” ka thënë  Solskjaer.

“Por, Scotty ka qenë i jashtëzakonshëm. Është kthyer në një lider, erdhi nga moshat dhe po përmisohet dita ditës në pozicionin e mesfushorit”, përfundoji trajneri i United.

McTominay ishte afruar në skuadrën e parë të Manchester United nga trajneri i mëparshëm, Jose Mourinho.