Solskjaer: United nuk e ndjen krizën, do blejmë lojtarët që duam!

Trajneri i Manchester United, Ole Gunnar Solskjaer nuk shikon asnjë problem nga koronavirusi për merkaton e transferimeve për ekipin e tij. Strategu norvegjez është shprehur i bindur se klubi i tij nuk do ta ndjejë aspak krizën.

“Futbolli do të kthehet në normalitet në një moment, dhe është shumë e rëndësishme që ne të jemi gati kur kjo të ndodhë. Ne duam të jemi më të mirët në çdo gjë, tani kemi një shans për të kaluar më shumë kohë, për të diskuuar me lojtarët, planet dhe për të vlerësuar gjërat që na nevojiten.

Merkato? United është një nga klubet më të mëdha në botë nga pikëpamja ekonomike. Jemi duke bërë planet për futbollistët që na nevojiten në skuadër. Gjithçka do të kthehet në normalitet dhe do të bëjmë gjërat e duhura”, tha Solskjaer për Sky Sports. /R.Lika-Koha Jone/