Sorrentino: Ronaldo nuk më dha fanellën, pasi i prita penalltinë!

Cristiano Ronaldos nuk i pëlqen që të humbasë dhe këtë gjë e ka treguar në gjithë karrierën e tij. Sulmuesi portugez nuk është prezantuar në çmimet kur e ka ditur se nuk ka qenë i pari. Në një intervistë të dhënë së fundmi nga portieri veteran, Sorrentino, ai ka treguar për “Sky Sport”, se portugezi nuk e mbajti fjalën për t’i dhënë fanellën, pasi gardiani italian i priti një penallti.

“Kisha rënë dakord me Ronaldon që të ndërronim fanellat në fund të ndeshjes. Por pasi humbi atë penallti, shihej qartësisht se ishte i inatosur. Ai është një kampion dhe nuk i pëlqen kurrë të humbasë, ndërsa ajo ishte penalltia e parë që gabonte në Itali.

Në dhomat e zhveshjeve, më bëri komplimente, më shtrëngoi edhe dorën, por më pas u largua pa më dhënë fanellën, i nxirë në fytyrë. Në fund, mora atë të Dybala ndaj nuk mendoj se më shkoi shumë keq”, tha portieri italian.